School Life












Wo school ke din,
Wo school ground humara,
wo class room humara ,
uski ek jhalak dekhne roz school aana ,
jis bench par baithte ,
wo sinhasan humara ,
unn har ek sinhasan par ,
apne sang uska naam likhna ,
aaj bhi yaad hai….!!
Wo tiffin break me tiffin ka khulna ,
aur bechare kisi ek par ,
sabka toot padna ,
phir ussi irreted apne yaar se ,
bottle ka paani mangna ,
phir uska pyar se kehna ,
"jootha mat karna , Aaaa karke peena"  aaj bhi yaad hai…..!!
Wo sab doston ka sang hona ,
P.N.D ki galiyon me cricket match hamara,
sachin , sehwag sab hamhi waha ke ,
bachon wali harkaten karna ,
ek dusre ko satana ,
kisi ek ka naraj hokar rooth jana ,
phir unhe bade pyar se manana ,
chhoti – chhoti ladaiyon ke baad ek ho jaana ,
aaj bhi yaad hai…!!
Wo school ke din ,
yaad hamesha aaenge ,
aankhein humari nam kar jaenge ,
hum bebas ………… unn palon ko dohra to nhi paenge ,
par yaad karke unn palon ko ,
zindgi bhar muskuraenge…..!!

                                    – Pranjal
Share on Google Plus

0 comments:

Post a Comment